John Sherwood was 71 jaar oud toe die polisie hom ‘n jaar gelede geboei en gearresteer het op aanklagte van LGBTQ+ haatspraak. Hy het die nag in die tronk spandeer. Volgens ‘n polisiewoordvoerder het lede van die publiek die polisie genader omdat Sherwood volgens hulle homofobiese aanmerkings gemaak het.
Soos gebruiklik het Sherwood buite die Uxbridge treinstasie in Londen gestaan en die evangelie verkonding. Hy hetook na Gen 1:27-28 verwys, dat God die “mens geskape het na Sy beeld….man en vrou het Hy hulle geskape”. Sherwood se opelug preek het verder verklaar dat alle mense gesondig het en dat daar verlossing in Jesus Christus is.
Daar was baie ondersteuners van Sherwood by die hofsaak. Die Bybel was gedurig aangehaal tydens die verhoor en Sherwood het bevestig dat wat hy verkonding op die finale gesag van die Skrif gebaseer is. Na die oorwinning het Sherwood en sy ondersteuners gebid en dank aan God uitgespreek vir die oorwinning en toe saam gesing…”To God be the glory, great things He hath done”.