Wêreldkrisisse word misbruik om die samelewing te verander. Te midde die vrees en onsekerheid word ons aandag maklik afgelei van wette en strukture wat verander word. Nuwe stelsels word in die naam van “veiligheid” bevorder en sonder demokratiese raadpleging geïmplimenteer. Dit is die self-erkende agenda van die WEF en ander globaliste.
Daar word gestreef na ‘n 4de industriële revolusie – waar ‘n nuwe digitale identiteit sentraal is. Die WEF se plan is dat dit basies sal werk soos Sjina se sentraal-beheerde stelsel van sosiale krediet: hoe meer jy jou stilhou en niks teen die totalitêre regering sê nie, hoe meer punte vir jou!
So weet hulle natuurlik amper alles van jou – wat jy koop, waar jy ry, wat jy lees, wie jy voor stem, waar jy aanbid. Alles word digitaal aangeteken en beheer. So as jy jou eie opinie het, een waarvan hulle nie hou nie, dan is jy moontlik ‘n gevaar. Alles word gekoppel aan jou digitale identiteit – wat vir sommige nou dien as ‘n inentingspaspoort is reeds die basis vir hierdie digitale identiteit. Voeg by dit die beheer oor jou digitale geld en die tirannie behoort duidelik te wees.
Volgens hulle sal dit ‘n alles-in-een oplossing wees: jou gesondheidsrekord, jou kredietwaardigheid, jou rekords by die regering (paspoort, ID), jou omgewingsvriendelikheid. Eet jy te veel vleis, wel, minder punte vir jou en minder fondse daarby!
Dus moet mens fokus behou tussen al die media propaganda. Eers was dit COVID-19. Nou spring almal op die wa van die oorlog terwyl min mense die moeite gedoen het om werklik die geskiedenis te verstaan van die situasie. Intussen, in hierdie toestand van paranoia en media propaganda, word die onregmatige beheer van korrupte regerings en onverkiesde globaliste al hoe erger.
Lees gerus die volgende PANDA berig deur Dr Piers Robinson:
FROM COVID-19 TO UKRAINE: BOUNCING FROM ONE CRISIS TO THE NEXT AND THE IMPORTANCE OF STAYING FOCUSED